LEGAZPI CITY- Nangapudan an sarong senior citizen gikan sa Bitano, Legazpi City na magpaotob nin mas matanos na sistema sa pagpapabakal nin NFA rice huli sa kadifisilan na pigsasapar kan mga nagmamawot na makabakal nin baratong bagas.
Marurumduman na sa irarom kan programa kan gobierno, makakabakal nin nasa P20 kada kilo na bagas an mga senior citizen asin iba pang mga nasa vulnerable sector.
Segun ki Jose Cordovilla sa intrevista kan Bombo Radyo Legazpi na alas-10 pa ana nin banggi kan Domingo, nakapila na siya ngani sana na masierto na makakabakal nin bagas ngunyan na aldaw nin Lunes.
Kadaklan suboot sainda an haros nagkakaturog na sa luwas kan opisina kan National Food Authority ngani sana na makabakal nin bagas.
Alagad maski pa inabot na nin udto, padifisilan man liwat sa pagbakal nin bagas huli sa suboot pagpapalipat-lipat sainda nin pwesto asin warang katanusan an sistema.
Agrangay kaini na labing pigpapadifisilan an mga senior citizen asin iba pang mga benepisyaryo kan baratong bagas, kaya kinakaipuhan ining maaksyunan.