Bilang pagkilala sa mahalagang papel ng kabataan sa paghubog ng mas maunlad at mas inklusibong kinabukasan, ipinagdiriwang noong ika-9 ng Agosto ang Linggo ng Kabataan 2025 na may temang “Local Youth Actions for the SDGs and Beyond.”
Layunin ng aktibidad na ito na hikayatin ang mga kabataan na maging aktibong kalahok sa mga programang nakatuon sa Sustainable Development Goals (SDGs) at iba pang adbokasiyang makatutulong sa komunidad.
Magkakatipon ang mga miyembro ng Sangguniang Kabataan mula sa iba’t ibang barangay para sa isang paligsahan sa basketball at volleyball. Ito ay magsisilbing pagkakataon upang ipamalas ang galing sa isports, maipakita ang diwa ng sportsmanship, at higit sa lahat, palakasin ang pagkakaisa bilang mga lider ng kinabukasan.
Isang araw ng pagtutulungan at pagbibigayan kung saan magsasagawa ang mga kabataan ng mga gawaing pangkomunidad. Layon nitong maisabuhay ang diwa ng bayanihan at pagpapalaganap ng malasakit sa kapwa.
Tampok din ang mga lokal na mang-aawit, banda, at iba pang mga alagad ng sining. Layunin nitong itaguyod ang kultura, sining, at talento ng kabataang Tanaueño.
Sa kabuuan, ang Linggo ng Kabataan 2025 ay hindi lamang selebrasyon kundi isang panawagan para sa mas aktibong partisipasyon ng kabataan sa pagpapaunlad ng komunidad. Ito rin ay isang patunay na sa kanilang mga kamay nakasalalay ang mas maliwanag at mas matatag na bukas.
Source: Tanauan CGTV FB Page