Muling umalingawngaw ang tunog ng tambol, lyre, at sigawan ng suporta ng mga taga-Bacoor ngayong araw sa ginanap na Bacoor Drum and Lyre Street Parade and Drill Competition, isang taunang selebrasyon na layong isulong ang sining, musika, at disiplina ng kabataang Pilipino.
Daan-daang mga mag-aaral mula sa iba’t ibang paaralan sa Bacoor at mga karatig-lugar ang nakiisa sa makulay at masigabong parada na umikot sa mga pangunahing kalsada ng lungsod. Ang bawat grupo ay nagpakitang-gilas sa kanilang sabayang tugtugan, kahanga-hangang drill formations, at maayos na choreography na lalong nagpasigla sa bawat manonood.
Bitbit ang makukulay na bandila at uniporme, ipinamalas ng bawat koponan ang husay at dedikasyon sa larangan ng musika at sayaw na sumasalamin sa tunay na diwa ng pagkakaisa, talento, at disiplina.
Kabilang sa mga hurado ang mga kilalang personalidad mula sa larangan ng musika, sining, at edukasyon na pumili sa mga pinakamahusay sa iba’t ibang kategorya gaya ng Best in Musicality, Best in Marching Formation, Best in Costume, at ang pinakahihintay na Champion Drum and Lyre Corps.
Ang Drum and Lyre Competition ay hindi lamang isang patimpalak. Isa itong plataporma para sa ating kabataan upang ipakita ang kanilang kakayahan, pagkamalikhain, at disiplina.
Ang nasabing aktibidad ay taunang ginaganap upang buhayin ang kultura at pagkakabuklod ng komunidad.
Source: Musiko TV FB Page