LEGAZPI CITY-Na-intercept an duwang shoplifter mantang paluwas an mga ini sa sarong convenience store sa ciudad kan Legazpi.
Segun ki Public Safety Office Head Octavio Rivero, sa intrevista kan Bombo Radyo Legazpi na duwang lalaki na suboot shoplifter palan an na-intercept kan saro nindang personnel sa luwas kan nasambitang convenience store.
Igwa suboot ining bitbit na sarong box nin powdered drink mix asin tulos na nagdulag kan masabat an personnel kan PSO.
Naidentipikar na an mga ini, alagad dae nadakop huli ta nakadulag su saro gamit an sarong motorsiklo mantang an saro makaskas na nagdalagan.
Pig-paabot na an nasabing insidente sa lokal na gobierno asin pig-aabisuhan an gabos na makipag-koordinar sa pulisya enkaso igwang koneksyon sa mga parahabon na ini.
Kaipuhan man na marekober an motor kaini ngani ma-trace asin ma-impound.
Nangyari an insidente mantang wara nin seguridad sa nasabing convenience store, kun kaya warang mareparo kan dai nagbayad o warang mga resibo.
Huli digdi, nagpatanid si Rivero sa publiko na mag-ingat enkaso nasa luwas asin pigsierto ninda na mas papahigoton an seguridad sa ciudad kan Legazpi.
Source: Bombo Radyo Bicol