Sarong makabuluhan asin matagumpay na serbisyong pampubliko asin medikal na karaban an ginibo sa Barangay San Pascual, Basud, Camarines Norte kan ika-13 nin Hunyo 2026, kun sain nakinabang an mga residente sa nagkapirang libreng tabang asin serbisyo na naipaabot paagi sa pagtutulungan kan gobyerno, 9ID Press Corps Camarines Norte Chapter, asin kan kasundaluhan.
Kabali sa mga serbisyong iginhatod an libreng bunot nin ngipon kun sain mahigit 25 na indibidwal an natabangan. Nagpanugot man nin mahigit 100 set nin kagamitan sa eskwela asin hygiene kits para sa mga aki, mantang mahigit 90 na residente an nabigyan nin libreng bulong asin bitamina. Dugang pa digdi, mahigit 30 na indibidwal an nakapagpagupit nin libre bilang karagdagang serbisyo para sa komunidad.
Bukod sa mga serbisyong medikal asin ayuda na iginbahagi, naggibo man nin mahalagang oryentasyon asin pagbabahagi nin impormasyon an mga representante kan Sandatahang Lakas. Tinalakay ninda an mga usapin manungod sa West Philippine Sea, mga benepisyo asin programa kan Enhanced Comprehensive Local Integration Program (E-CLIP), asin an mga detalye manungod sa pagrekrut asin pagin miyembro kan Sandatahang Lakas. Binigyang-diin man ninda an mga paandam asin impormasyon kontra sa iligal na panghihikayat asin recruitment laban sa gobyerno. An mga hakbang na ini may layuning mapakusog an kaaraman, kahandaan, asin seguridad kan lambang residente asin kan bilog na komunidad.
An nasabing proyekto isinagawa sa panginot asin suporta kan LGU Basud sa pamumuno ni Mayor Shunn Frederick Davoco, katuwang an MHO Basud sa pamumuno ni Dr. Joel Paulo Delos Reyes; asin an BLGU San Pascual kaupod an BHW San Pascual sa pamumuno ni Punong Barangay Jesus V. Salomon.
Sa pahayag ni Punong Barangay Jesus V. Salomon, ipinahiling niya an dakulang pasasalamat asin kasadyaan sa naging resulta kan aktibidad:
“Ako po ay naoogma ta dakol na mga kabarangay ko an natabangan. Sa aldaw na ini, igwa nin libreng gupit, libreng bulong, check-up, asin siyempre libreng bunot sa mga aki na nagresulta nin napakagandang benepisyo para sa Barangay San Pascual. Dakulang karangalan po ini para sa mga taga-Barangay San Pascual ta sa enot na pagkakataon, nakadaupang-palad mi an Philippine Army na nagtabang sa satuyang ginanap na Caravan.”
Mula man sa Provincial Government of Camarines Norte, tiniyak ni Governor Ricarte “Dong” Padilla an padagos na paghatod nin serbisyo asin tabang sa mga mamamayan. Kabali man sa mga katuwang an Camarines Norte Provincial Hospital (CNPH) sa pamumuno ni Dr. Harold Pocholo S. Mejia, MD, MSPH, Acting Chief of Hospital II, asin ni Mr. Antonio Carsido Suhitado Jr., Supervising Administrative Officer.
Mula man sa Sandatahang Lakas, naging katuwang an Eightyfirst Infantry Spartan Battalion (81IB) sa pamumuno ni LTC Lineco S. Basas INF (GSC) PA, asin an 501st Community Defense Center (501 CDC) sa pamumuno ni MAJ Eric L. Estrevillo (OS) PA, Director. Nanguna man sa aktibidad an 902nd Infantry “Fight & Serve” Brigade sa pamumuno ni COL Arnel B. Bautista GSC (INF) PA, kaupod an Brigade CMO Office sa pamumuno ni CAPT Eddie Rey Navales (INF) PA, asin an 2nd CMO “Kasangga” Company, 9th CMO Battalion sa pamumuno ni 1LT Maria Roquesa Serrano (AGS) PA.
Katuwang man sa pagsasagawa kan programa an Youth For Peace Movement sa pamumuno ni G. Joseph Benjamin Ilan, asin an 9ID Press Corps CamNorte Chapter sa pamumuno ni G. Donde Consuelo, na nagtabang sa pagpapalaganap nin impormasyon asin sa maayos na pagsasagawa kan aktibidad.
An nasabing aktibidad sarong patunay kan maray na pagtutulungan kan gobyerno, kasundaluhan, asin iba pang sektor sa paghatod nin serbisyo, kaaraman, asin kauswagan sagkod sa mga hararayong barangay.