Ginibo ngonyan, Mayo 30, 2026, an “Trabaho para sa Catandungueño Job Fair” sa Capitol Dome sa Virac, Catanduanes, bilang kabahin kan padagos na pagsuporta sa paghahanap nin trabaho para sa mga Catandunganon.
Pinanginotan an aktibidad kan Pamahalaang Panlalawigan kan Catanduanes paagi sa Provincial Public Employment Service Office (PESO), kaiba an Department of Labor and Employment (DOLE) asin Department of Migrant Workers (DMW).
Nakidumara man an nagkakanigong ahensya kan gobyerno arog kan OWWA, DICT, PhilHealth, Pag-IBIG, SSS, DTI, PSA, asin TESDA, kaiba an mga pribadong kompanya na nag-aalok nin haros sarong libong oportunidad sa trabaho asin iba pang serbisyo para sa mga Catandunganon na naghahanap nin pagkakakitaan.
Kalakip sa mga oportunidad an lokal asin overseas employment para sa mga aplikanteng naghihinguwa nin mas marhay na oportunidad para sa saindang pamilya.