LEGAZPI CITY—Sarong premature na babaeng omboy an nadukayan kan mga otoridad sa sarong bakanteng lote sa Barangay Cavinitan, Virac, Catanduanes.
Segun ki Catanduanes Police Provincial Office Public Information Officer Police Lieuteant Colonel Emsol Icawat, sa intrevista kan Bombo Radyo Legazpi, tulos man ining nadara sa ospital alagad pirang oras an binawian na ini nin buhay.
Naaydentipikar na man kan mga otoridad an ina kan nasabing omboy kun sain nahiling suboot kan board mate kaini na may dugo sa saindang banyo asin basag an bintana na pigtutubudang digdi hinulog an omboy.
Sa presente pig-oobserbaran an ina sa ospital asin posibleng masunadan nin kaso.
Nagpagiromdom man si Icawat sa mga magurang na bisitahon an saindang mga aki sa kun sain sinda nagbo-board o nagkaklase nganing mabantayan an saindang kamugtakan.
Abiso man niya sa mga estudyante na pwedesir sindang magdulok sa mga ahensya o NGOs na nagtatabang sa mga siring na kaso o yaon an kapulisan na pwedesir magtaong abiso nganing malikayan an siring na mga insidente.
Source: Bombo Radyo Bicol