LEGAZPI CITY- Mahigot na pigbabantayan ngunyan kan mga otoridad an paglangkaw kan mga nairerehistrong aktibidad sa bulkang Bulusan.
Basado sa datos kan Philippine Institute of Volcanology and Seismology na nakapagrehistro nin nasa 223 volcanic earthquakes sa bilog na magdamlag.
Mas halangkaw ini kumpara sa nairehistrong apat sana na volcanic earthquakes kasuudma.
Afuera digdi, nasa 121 tonelada man nin sulfur dioxide an nairehistro kan Abril 22.
Sa presente, nagtetenir sa alert level 1 an bulkang Bulusan.
Enot na man na nagpatanid an PHIVOLCS sa paglangkaw kan seismic activity kan bulkan.
Source: Bombo Radyo Legazpi