LEGAZPI CITY- May pasaro-saro na mga public utility jeepney na nakapag biyahe pa sa enot na aldaw kan ikinasang transport strike sa provincia kan Albay.
Segun ki PISTON Bicol President Ramon Rescovilla na nakolay an nagkapira na makapag biyahe hasta kasubagong udto.
Dae man suboot sinda nagin mahigot huli ta nasasabutan man an sitwasyon.
Pigkakarkulo man na nasa 75% hasta 80% an pagkaparalisa kan dalagan kan transportasyon.
Kasabay kaini, naghagad nin dispensa si Rescovilla sa mga commuters na naapektaran kan nasabing tigil pasada huli ta an saindang pakikipaglaban para sa pagpapababa kan presyo kan produktong petrolyo an laban suboot kan gabos.
Pangapudan kan grupo na ibaba sa P65 an kada litro kan diesel ngani na makabalik an nawawarang ganansya sa mga drivers.
Source: Bombo Radyo Legazpi