LEGAZPI CITY- Opisyal ng ipiglansar ngunyan na aldaw, Abril 15, 2026 an Balikbayang Manggagawa o ang National Reintegration Network Regional Fair, sa pangengenot kan Department of Education Bicol.
Katabang man sa programa an Department of Migrant Workers, Overseas Workers Welfare Administration asin iba pang mga ahensya.
Obheto kaini na matabangan an mga Overseas Filipino workers (OFWs) na nag-uli sa nacion huli sa kariribukan sa Middle East.
Mawot kan programa na matabangan an mga OFWs na maaprobitsaran an manlain lain na mga programa kan gobierno.
Katakod kaini, tinawan pagbisto ni Department of Education Bicol Director Gilbert Sadsad an mga Overseas Filipino workers huli sa dakulang kontribusyon kan mga ini sa ekonomiya kan nacion.
Sinabi kan opisyal na dakulang tabang para sa nacion an buwis asin remittances kan nasabing mga OFWs alagad dae pinaglalaoman na maaapektaran an mga ini kan kariribukan sa Middle East.
Katakod kaini, naglalaom si Sadsad na sa paagi kan programa, dakol na mga OFWs na nagbalik sa nacion an matatabangan asin makapagpadagos sa saindang mga kabuhayan.