Ferdinand R. Marcos Jr. ay nag-utos ng agarang paglilinis ng mga daluyan ng tubig sa Naga City matapos ilarawan ang sitwasyon bilang “kritikal” dahil sa mas matitinding pag-ulan at bagyong dumaraan sa Bicol Region.
Sa kanyang inspeksyon ng Oplan Kontra Baha (OKB), binigyang-diin ng Pangulo na nakapagtala ang lungsod ng hindi pangkaraniwang dami ng ulan na nagpalala sa pagbaha sa ilang komunidad.
Kasama si Maria Leonor Robredo, binisita ng Pangulo ang Sagop Creek sa Barangay Triangulo at Sitio Magaya-gaya Creek sa Barangay Concepcion Pequeña upang tiyakin ang tuloy-tuloy na paglilinis ng mga ito.
Ayon sa Department of Public Works and Highways (DPWH), inaasahang makatutulong ang clearing operations upang mabawasan ang pagbaha. Target na matapos ang mga paglilinis pagsapit ng Hulyo 2026.
Source: PIA Bicol