Sumuko sa 42nd Infantry Battalion ng Philippine Army ang mag-asawang may hawak na posisyon sa New People’s Army (NPA) nitong Martes, February 3, 2026, sa Bicol.
Kinilala ni Maj. Frank Roldan, tagapagsalita ng 9ID, ang mag-asawa bilang si “Pots” at ang kanyang asawa na gumamit ng mga alyas na Luis, Haraly, at Sab.
Ayon kay Roldan, nagsilbi ang mag-asawa bilang kalihim at political instructor ng isang guerrilla front na kumikilos sa ilang bahagi ng Camarines Norte at Camarines Sur.
Isinuko din ng mag-asawa ang isang .30 caliber rifle at isang .60 caliber machine gun kasama ang mga bala.
Sinabi ni Roldan na ipinaabot ng mag-asawa sa mga opisyal ng hukbo na tinalikuran na nila ang armadong pakikibaka upang mamuhay nang mapayapa kasama ang kanilang pamilya.
Dagdag pa niya, 18 na miyembro, tagasuporta, at lider ng NPA na ang sumuko sa rehiyon mula noong Enero.
Sa isang pahayag, sinabi ni Maj. Gen. Aldwin Almase, Commander ng 9ID, na inaasahang mahihikayat ng pagsukong ito ang iba pang rebelde—lalo na ang mga dating nasa ilalim ng pamumuno ng mag-asawa—na magbalik-loob sa pamahalaan.
Source: https://www.pna.gov.ph/articles/1268425