Handa ang Philippine National Police (PNP) na suportahan ang posibleng gantimpalang iaalok ng pamahalaan para sa impormasyon na magtuturo sa kinaroroonan ng dating kongresistang si Zaldy Co, na wanted sa kaso ng korapsyon at malversation.
Ayon kay Acting PNP Chief Lt. Gen. Jose Melencio Nartatez Jr., nakikipag-ugnayan na ang PNP sa DILG at Office of the President para sa mabilis na pag-aresto kay Co. Bagama’t wala pang pormal na rekomendasyon ukol sa reward scheme, tiniyak ng PNP na patuloy ang kanilang operasyon upang matunton ang pugante “sa lahat ng legal na paraan.”
Nasa Portugal umano si Co at gumagamit ng Portuguese passport, ayon kay Interior Secretary Jonvic Remulla. Wala mang extradition treaty ang Pilipinas at Portugal, maaari pa rin itong idaan sa Interpol, kung saan miyembro ang Portugal.
Kumpiyansa si Remulla na maaaresto si Co, lalo’t nakapuwersa na ng NBI ang ilang ari-arian nito sa Forbes Park at Bicol.
Handa rin ang DILG na ipatupad ang warrant of arrest sakaling maglabas ang International Criminal Court ng warrant laban kay Sen. Ronald dela Rosa kaugnay ng drug war.
Source: https://www.philstar.com/headlines/2025/12/05/2491979/pnp-ready-support-reward-zaldys-arrest