Tiniyak ng bagong promote na si PGen Jose Melencio C. Nartatez Jr., Hepe ng Philippine National Police (PNP), na hindi magbabago ang direksyon at mga direktiba ng kapulisan sa kabila ng kanyang pag-angat sa ranggong four-star police general. Aniya, \u201cWhat I said last August 26, that\u2019s still what I\u2019m ordering the PNP to do.\u201d<\/p>\n\n\n\n
Sa panayam sa Camp Crame matapos ang kanyang arrival honors noong Enero 28, 2026, binigyang-diin ni PGen Nartatez na malinaw ang marching orders ng Pangulong Ferdinand \u201cBongbong\u201d Marcos Jr: ipagpatuloy ang tapat na serbisyo ng PNP, tiyakin ang kaligtasan ng mga komunidad, at pababain ang antas ng kriminalidad sa bansa.<\/p>\n\n\n\n
\u201cOur president\u2019s marching orders are to continue the work of the Philippine National Police, ensure that the community is safe, and ensure that crime is reduced. That\u2019s what we\u2019ve always and continuously done,\u201d ani PGen Nartatez.<\/p>\n\n\n\n
Noong umaga ng Miyerkules, kinumpirma ng Malaca\u00f1ang na pormal nang itinaas ni Pangulong Ferdinand Marcos Jr. si PGen Nartatez sa ranggong four-star at binigyan ng buong titulo bilang PNP Chief. Ang promosyon ay dumating makalipas ang mahigit limang buwan mula nang italaga siya bilang acting chief, alinsunod sa tradisyon ng PNP na tanging ang hepe lamang ang maaaring humawak ng naturang ranggo.<\/p>\n\n\n\n
Nilinaw rin ni PGen Nartatez na maayos ang transisyon ng pamumuno kasunod ng pagreretiro ng kanyang pinalitan na si dating PNP Chief PGen Nicolas Torre III, na ngayon ay nagsisilbi na sa Metropolitan Manila Development Authority (MMDA). Ayon sa kanya, likas sa organisasyon ang pagbabago ng mga opisyal at mahalaga ang paggalang sa proseso.<\/p>\n\n\n\n
Tungkol naman sa posibilidad ng reshuffle sa hanay ng matataas na opisyal ng PNP, sinabi ni CPNP Nartatez na natural ang paggalaw sa loob ng organisasyon dahil sa mga nagreretiro at napo-promote.<\/p>\n\n\n\n
Sa ilalim ng kanyang pamumuno, inaasahang magpapatuloy ang disiplina, propesyonalismo, at dedikasyon ng PNP sa pagsisilbi at pagprotekta sa sambayanang Pilipino.<\/p>\n\n\n\n