Nakapagpadagos an Department of Social Welfare and Development (DSWD) Field Office V-Bicol Region sa pagtao nin ayuda sa mga pamilyang mababa an kita sa Bacacay, Albay, kun saen 1,309 pamilya an nakatanggap nin ikaduwang tranche nin pinansyal na asistencia sa ilalim kan Unified Package for Livelihoods, Industry, Food, and Transport (UPLIFT) Program kan September 29, 2026, sa Barangay 2 Multi-Purpose Covered Court.
An kada pamilya na nakilalang poor asin near-poor household paagi sa Community-Based Monitoring System (CBMS) kan Philippine Statistics Authority (PSA) nakatanggap nin tig-₱2,000, na umabot sa kabuuang ₱2,618,000. An ayuda idinisenyo tanganing makabulig sa pagpagaan kan pinansyal na kabug-atan kan mga pamilya, labi na sa padagos na pagsaka kan presyo nin mga pangunahing pangangaipo asin gasolina.
Kaibahan sa mga nakatanggap nin ayuda si Melvin Bacellano, ama nin apat na aki na nagsasarig sa saindang bake shop bilang panginot na pagkakakitaan. Siring niya, dakula an epekto kan pagsaka kan presyo nin gasolina sa gastos sa pagmantener kan motorsiklo na ginagamit niya sa pagdeliver kan saindang mga paninda. An ayuda man gikan sa DSWD, dakula an itinabang sa saindang pamilya sa pag-atubang kan mga dagdag na gastos.
An pagtao nin ayuda kabahin kan direktiba kan administrasyon ni President Ferdinand “Bongbong” R. Marcos Jr. na magtao nin maagap na suporta sa mga pamilyang apektado kan energy emergency.
Paagi sa paggiyá ni Secretary Rex Gatchalian asin pamumuno ni Regional Director Norman S. Laurio, padagos an DSWD FO V sa pagdara kan programa mas harani sa mga kwalipikadong pamilya sa Bicol asin pagtao nin suporta sa panahon kan mga pagsubok sa ekonomiya.