Umabot sa ₱328.26 milyon an ayuda na ipinaghatod kan Department of Social Welfare and Development (DSWD) Field Office V sa 1,536 pamilya sa Albay na naapektaran kan pag-aalboroto kan Bulkang Mayon asin napiritang maglikas nin pitong bulan.
An ayuda, na ipinaghatod sa pangunguna ni DSWD Secretary Rex Gatchalian asin sa paggiyà ni Regional Director Norman Laurio, naglakop nin mga kahon nin pagkaon, mga gamit na dai pagkaon, family tents, mga gamit sa kalinigan, sleeping kits, emergency cash assistance asin cash-for-work programs tanganing matabangan an mga pamilya sa saindang pang-araw-araw na pangangaipo asin sa pagkawala nin kita.
Kasunod kan pagbaba kan alert level kan Bulkang Mayon hale Alert Level 3 pasiring sa Alert Level 2, inanunsyo kan Albay Provincial Government an pagbalik kan mga evacuee sa saindang mga harong nitong Agosto 6. Bago magpauli, naghatod an DSWD nin suplay nin pagkaon na sapat para sa 15 aldaw sa kada pamilya. Padagos man an kamp coordination asin management sa mga evacuation site, pati an pag-operate kan Mobile Command Center, Mobile Kitchen asin Mobile Water Station tanganing maserbisyuhan an pangangaipo kan mga naapektarang komunidad.
Padagos an suporta kan DSWD Bicol sa mga pamilyang naapektaran kan pag-aalboroto kan Mayon. Mantener an ahensya nin sobra ₱300 milyon na standby funds asin mga relief supplies na nakahanda para sa ano man na posibleng pangangaipo kan mga apektadong pamilya. An mga hakbang na ini kabali sa padagos na disaster preparedness asin response efforts kan gobyerno tanganing masigurado an seguridad, kaayusan asin kapakanan kan mga pamilyang naapektaran kan pag-aalboroto kan bulkan.