Nakitipon an Pulis Kasanggayahan sa matagumpay na pagdaos kan Lakad Kalayaan 2026, bilang pagpakita nin suporta sa espiritu nin kalayaan, pagkakaurusa, asin malasakit sa komunidad.
Sa naturang aktibidad, aktibong nag-deploy an Sorsogon Police Provincial Office kan saindang Medical Team tanganing masiguro an seguridad asin madaliang pagresponde sa ano mang pangangaipo medikal kan mga kalahok.
Dugang pa digdi, naghatag man an kapulisan nin Libreng Lugaw na haloy sa kabootan kan Sorsogon City LGU bilang simpleng paagi nin pagtao nin ginhawa asin pagpakita nin malasakit sa mga nagdalo sa aktibidad.
Kasabay kaini, padagos man na sinuportahan kan Pulis Kasanggayahan an Agraryo Merkado sa Kampo, na nagseserbing plataporma tanganing matabangan an mga lokal na paraoma asin sarong-sarong negosyante na maipahiling asin maibaligya an saindang mga produkto.
An mga aktibidad na ini sarong patunay kan padagos na dedikasyon kan PNP Sorsogon sa serbisyong may malasakit, pakikipag-ugnayan sa komunidad, asin pagtataguyod kan kapakanan kan lambang Sorsoganon.