SAN JOSE, Occidental Mindoro — Isang mahalagang yugto ang naabot sa pabahay na adbokasiya ni Pangulong Ferdinand R. Marcos Jr. matapos maisakatuparan ng Expanded Pambansang Pabahay para sa Pilipino (4PH) Program ang turnover ng kauna-unahang horizontal housing units nito sa lalawigan ng Occidental Mindoro.
Ang nasabing turnover ay patunay ng patuloy na pagsisikap ng pamahalaan na makapagkaloob ng disente, abot-kaya, at ligtas na pabahay para sa mga pamilyang Pilipino, lalo na sa mga lalawigan. Ipinapakita rin nito ang matibay na ugnayan ng pambansang pamahalaan, mga lokal na pamahalaan (LGUs), at ng pribadong sektor sa pagpapatupad ng mga programang pabahay na inklusibo at napapanatili.
Ang mga pabahay ay idinisenyo upang maging matibay, maayos sa komunidad, at angkop sa pangmatagalang paninirahan, na layong matiyak ang seguridad at maayos na pamumuhay ng mga benepisyaryo.
Patuloy ang pagpapatupad ng Expanded 4PH Program sa iba’t ibang panig ng bansa bilang bahagi ng layunin ng administrasyon ni Pangulong Marcos na tugunan ang kakulangan sa pabahay at itaguyod ang balanseng kaunlaran sa mga rehiyon.
Source: PIA CALABARZON – 𝐃𝐞𝐜𝐞𝐧𝐭, 𝐚𝐟𝐟𝐨𝐫𝐝𝐚𝐛𝐥𝐞, 𝐚𝐧𝐝 𝐬𝐚𝐟𝐞 𝐡𝐨𝐮𝐬𝐢𝐧𝐠… | Facebook