Iginawad ng Bureau of Fisheries and Aquatic Resources o BFAR ang 50,000 na hybrid tilapia fry at fingerlings para sa fish pond ng Bureau of Corrections o BuCor sa Southern Palawan nito lamang ika-22 ng April 2025.
Sa pagsisikap na palakasin ang produksyon ng pagkain at suportahan ang reformation programs, ang BFAR – Provincial Fisheries Office Southern Palawan ay nagpaabot ng technical support sa BuCor ukol sa pangunahing aktibidad ng pag-iimbak ng isda.
May kabuuang 50,000 hybrid tilapia fry at fingerlings ang nahakot mula sa BFAR Freshwater Fish Hatchery and Demonstration Pond sa Barangay Taritien, Narra, Palawan at inihatid sa Iwahig Prison and Penal Farm sa Puerto Princesa City. Ito ay bahagi ng Tilapia Grow-out Project sa ilalim ng inisyatiba ng Department of Agriculture at Department of Justice na ‘RISE’ para sa taong 2025.
Layunin nitong suportahan ang food sustainability, livelihood program, at rehabilitation ng mga Persons Deprived of Liberty (PDLs) sa lalawigan.
Source: Bandera News TV Philippines