Ipinagdiwang ng Philippine Statistics Authority-Calabarzon ang 35th National Statistics Month 2024 na may temang “Advancing Data and Statistics through Digital Transformation: A Road to An Empowered Nation” na ginanap sa Calamba City, Laguna, nito lamang ika-4 ng Oktubre 2024.
Sa mensahe ni Charito Armonia, PSA Region IV-A Director, binigyang-diin niya na ang National Statistics Month ay tumatalakay sa interseksyon ng data at digitalization upang kumatawan sa mga isyung kinakaharap ng bansa.
Nakatuon din ang 35th National Statistics Month sa papel ng mga infographic sa paggawa ng desisyon, pagpapahusay ng data visualization sa pamamagitan ng digital transformation, at ang mga benepisyo ng paggamit ng Community-Based Monitoring System para sa pamahalaang nakabatay sa epekto.
Ipinagdiriwang taun-taon mula noong 1990, ang National Statistics Month kung saan ang pangunahing layunin ay itaguyod, paghusayin, at itanim sa kamalayan ng mga mamamayan ang kahalagahan ng mga istatistika sa iba’t ibang sektor ng lipunan at mangalap ng suporta ng publiko sa pag-upgrade ng kalidad at pamantayan ng mga istatistika sa bansa.
Source: PIA CALABARZON